Ano vello

Imagen Ramón G Giribet

Lembras amor…
e bailabamos e bailabamos e bailabamos
armoniosas melodías
as túas mans no meu van
e caían sobre nós
os pétalos do tempo

aluma os teus ollos,
vestirémonos con aroma
de primavera
e coas túas mans no meu van
bailaremos e bailaremos e bailaremos.

Mar adentro

. . .
.

Non importa o vieiro
que nos leva a vogar
mar adentro,
mareas de luz
abren as portas
do Paraíso

escoita o Universo
o doce canto
do aleluia.

Tesouro

Anhelo místico
me leva polo camiño
do misterio,
descubri-lo tesouro
que aniña
na nosa alma.

Xelados puñais

Imaxe de internet

Xelados puñais
colgan dos tellados
a sutil transparencia
acoitela o aire
espasmos de luz
entran pola fiestra

chega axiña,
sen tempo de pensalo,
trae na man o inverno
unha camelia branca

no interior, moi adentro
a carón da chama
todo se acomoda.

Flor de loto

Quixera ter
as palabras precisas,
vieiros de luz
que encandilan
recunchos grises
que repousan
nas augas tranquilas

flor de loto
na túa mirada.